3. rejissorluğu ve ssenari müəllifliyi asghar farhadiyə məxsus, 2011-ci il iran istehsalı film.
--spoiler--

nadir və simin ayrılmaq istəyən 14 illik evli cütlükdür və qadın evi tərk edir. 11 yaşlı qızları termehsə bu ayrılığın qarşısını almaq üçün atası ilə qalmağı seçir. arvadı evi tərk edən nadirsə xəstə atasına baxması üçün baxıcı qadın işə götürür, lakin sonrası heç kəs üçün xoş olmur.
nə qədər çalışsam da haqlını heç cür seçə bilmədim film boyu. bir şəkildə mütləq arada qalırsan və düşünürsən ki, bu həyatdi elə bu cür də olmalıdı. filmin təsir edən çox səhnəsi var, amma baxıcı qadının ərilə müəllimə arasında keçən səhnə xüsusilə təsir etdi izləyəndə. müəllimə məhkəmədə balaca qıza yaxınlaşır və anasını atasının döyüb-döymədiyini, uşağın düşməyinin bunla əlaqədar olmasını aydınlaşdırmağa çalışır. daha sonra kişi deyir ki, niyə düşünürsüz ki, biz ancaq ailəmizi döyürük, incidirik? bizim sizdən o qədər də fərqimiz yoxdur, axi. önyarğılar haqqında izlədiyim ən yaxşı səhnələrdən biri, bəlkə mən də o müəllimə kimi düşündüyümnən bilmirəm. film ümumiyyətlə vicdan, ədalət, siniflər fərqi kimi məsələlərə çox gözəl toxunur və düşündürür insanı.

--spoiler--